कल्पनाको सागरमा डुब्न उपयुक्त छ यो ।
हेर्दैन दायाँ बायाँ गर्देन तल र माथि ।
आकाशबाट झरेन यो धर्तिबाट खनिएन ।
कुन मात्रा बढ्दैछ भिजेको रूमाल यो ।
परिचितहरू बिचको अपरिचित यो ।
समय बताउन मुन्टो बटार्छ ।
सफलताको पोको बाँध्न सक्दैन् यो ।
कलम समाउन सक्छ तर लेख्न खैं ।
हेर्छ त्यो अनुहार देख्छ यो ।
नडराएको भानमा डराउँछ यो ।
सम्झन्छ आफू हाँसे संसार हाँस्छ ।
तर बिर्सन्छ हाँस्नेको अदृश्य मुहार ।
मख्ख छ सम्झन्छ आफू छ ओतमा ।
तर त्यो ओत कहाँ छ सोच्दैन यो ।
चार खुट्टाको कुर्चिसँग गर्भ गर्छ यो ।
झुण्डिएको झोलालाई बिर्सन्छ यो ।
भमराको खोजि गर्छ फक्रन नसक्ने फूल यो ।
आवाज सुन्न लालायित भित्ताहरूको बिचमा छ यो ।
२०५७।०५।१५ © 2008, P. Gurung
[ posted by
mr.jomsom @
12:34 PM ] | Viewed: 3291 times
[
Feedback] (1 Comment)
|